Nachos ídýfa | gottimatinn.is
Berglind Hreiðarsdóttir
Nachos ídýfa
04. október 2017

Nachos ídýfa

Þessi Nachos ídýfa er í miklu uppáhaldi hjá mér enda er hún alveg hrikalega góð. Í raun er það svo að þegar maður byrjar á henni getur maður ekki hætt. Þið bara verið að prófa!

Nachos ídýfa með rjómaosti, salsa og grænmeti

Innihald:

·        1 lítil krukka salsasósa (medium)

·        1 dós rjómaostur til matargerðar frá Gott í matinn (við stofuhita)

·        1 rauðlaukur

·        Iceberg (um ¼ haus eftir stærð)

·        1 stk. rauð paprika

·        ½ púrrulaukur

·        Nokkrir sveppir (um 8 stk.)

·        Litlir tómatar til skrauts

·        Nacos (saltað finnst mér passa best)

1.      Setjið salsasósu og rjómaost í hrærivélarskálina og blandið þar til kekkjalaust og létt í sér.

2.      Saxið rauðlauk mjög smátt og dreifið í botninn á þeirri skál/fati/bakka sem verður fyrir valinu.

3.      Smyrjið rjómaostblöndunni yfir rauðlaukinn.

4.      Saxið grænmetið smátt (nema tómata) og dreifið yfir blönduna (að sjálfsögðu má nota annað grænmeti, bara það sem ykkur þykir gott).

5.      Skerið nokkra litla tómata til helminga og skreytið.

6.      Gott er að kæla nacosdýfuna aðeins áður en hennar er notið en þó ekki nauðsynlegt.

Viltu fylgjast með þessum bloggara?

Skráðu þig til að fá nýjustu færslurnar sendar!